QURAN-O-ITRAT ACADEMY

Question: Mera sawal ye ha ky kya 2 log apny rishtey ko jaiz bnany ky liye bagair gawah ky Allah ko hazir jan ky nikah kr skty hn kya?? Q ky ghr waly many ky ni toh rishtey ka pta b toh khuda ko ha r bht pyar b ho toh kya apas ma nikah jaiz ha ky

Answer: Nikah main gawah ka hona to zaroori nahin hay. lekin is ke elawa baqi sharait ka mojood hona zaroori hai. aur agar baqi sharait mojood na hon to nikah durust nahin hoga. Nikah ki sharaet main se aik shart ye hai k nikah karney k liye larki apne wali (yani baap ya dada) sai ijazat le, agar un ki ijazat k baghair nikah kia jaaye tu wo nikah durust nahi hoga. Is ke elawa aur bhi sharait hain jin ka nikah ke waqt khayal rakhna zaroori hai. (Ref: Ayatullah Sistani(d.b), Tauzeeh ul masail, edition #42, maslah #2335,2341). [Updated on 27-Feb-2021 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: As Salaam aliakum Kya Shia Mazhab Mai 2 shadiyan karna jayez hai aur kya pehle biwi se ijazat le

Answer: Islam (shia, sunni mazhab) men Mard par 4 shadi karna jaiz hai, chahay uski biwi ijazat nah bhi day. (Ref: Ayatullah Sistani(d.b), minhajus saliheen part #3, maslah #202). Aik musalmaan biwi ko apne shohar ko dosri shadi karne se nahi rokna chahiye Q ke Riwayat ki roshni main mard ka aik se ziyada shadiyan karna Allah Taala ko pasand hai. (Ref : Nigah aur libas sawal #106, pg #69) [Updated on 27-Feb-2021 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Kya zaani mard se nikah ho sakta hai?

Answer: Jee han, nikah ho sakta hai. Lekin zina karna haram aur gunahan e kabeera mai sai aik hai. lehaza is se tauba o istigfar karna lazim hai. (Ref: Ayatullah Sistani(d.b), Minhaajus Saliheen, Part #1, Edition 1439 hij, Maslah #30). (Ref: Ayatullah Sistani(d.b), Tauzeeh ul masail, Edition #42, maslah #2364). [Updated on 26-Feb-2021 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mere dada ki batige se mera shaadi ho skti hai

Answer: Jee hosakti hai Q keh dada ka bhatiji aap k liye na-mehram hai.(Ref:Tauzeeh ul masail ayatullah seestani edition 41 maslah no 2349). [Updated on 26-Feb-2021 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Mera sawal ye hai k kya baligh larka or larki aaps main beth k apna nikkah khud parh sakty hain bina kisi maulvi ya gawahan k? Kya shara'i taur py wo mian bv many jayngy? Please mujhy hawala dy k is bat ka jawab dijiyega.

Answer: Is website par fiqh e jafaria (mazhab e shia) k mutabiq jawabat diye jatay hain. Agar larki Kunwari(virgin) ho to wo us waqt tak nikah nahin ker sakti jab tak k lerki ka Baap ya Dada lerki ko nikah ki ijazat nah day day. or yehi hokum ehtiyaat e wajib ki bina(base) per os sorat main bhi hay k jab larki khud mukhtar or balig bhi ho. Is ke elawa nikah ki aur bhi buhat si sharait hain jin ki pabandi karna zaroori hai. (Ref: Ayatullah Sistani(d.b), Tauzeeh ul Masail, Edition #42, Maslah #2341,2342). [Updated on 23-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: mian biwi 6 months se alag alag reh rahy hain, biwi sth rehne ko tyr nai, itna waqat guzrne ke bd kia nikha dobara parha jaye ga?

Answer: Rishta baaqi rehta hai, ziyada arsa door rehne sai ya humbistri na karney sai nikah batil nahi hota. albatta shohar k liay wajib hai k apni jawan se biwi sai 4 mahine sai ziada humbistri tark na karey. (Ref: Ayatullah Sistani(d.b), Tauzeeh ul masail, edition #42, maslah #2382). [Updated on 23-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Meri behn bohat ziada depression main ha iski shadi nahi ho rae parhi liki ha mba kia ha shia ha ya tu koi rishta kara dain Wo mayoos ha Allah say kay namaz e tahadud bhi ada karti ha phir uski jaiz khawahish pori nahi hoti

Answer: 1: Misbah e kafami main hai k agar kisi larki k liay rishta na aa raha ho tu surah e taha ki ayat#131 or 132 ko kaghaz par likh kar bator e taweez apne bazu par baandh lain inshallah jald us ki shadi hogi. (Ref: Naeem ul amaal pg, #325). 2: Rasool e akram ne farmaya: Surah yaaseen ki tilawat kiya kare is me 10 barkate hai (us me se aik ye hai k ) jin ki shadi nahe hoi hai wo shadi shuda ho jaay ghe. (Ref: Dunya Wa Akhirat ki 100 Pareshanion ka hal, pg #18). [Updated on 15-Mar-2021 :: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Asalam O Alaikum Kia sali ke sath karna jaiz hai aor jaiz hai to kis surat yani kon se mouqa pe jaiz

Answer: Aap ki biwi jab tak apki biwi ki hesiyat rakhti hen tab tak ap apki biwi ki behn (apki saali) se nikah nahin kr sakte. (Ref: Ayatullah Sistani(d.b), Tauzeeh ul masail, edition #42, maslah #2355). [Updated on 24-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: salam larki ki marzi ka against nikah hua ha jis mai apna kaha nikah sahi nai ha kia us nikah ka liye talaq lana must ha ???? kindly plz jaldi jawab da dain

Answer: Agar larki nikah par Razi nahin thi to nikah sahi nahin hoga. Han agar nikah kay bad larki nikah ki ijazat de day (ya ijazat kay liye koi aisi baat kahay ya koi kaam aisa kaam anjaam day jo raza mandi par dalalat karay to kafi hai) to nikah sahi hai or agar bad men bhi razi nahin thi to nikah batil hoga or talaq ki bhi zarorat nahin hogi. (Ref: Ayatullah Sistani(d.b, Tauzeeh ul masail, edition #42, Mafhoom e Maslah #2335,2338). (Note: Jab larki ki marzi ke bagair nikah hi durast nahin to Talaq ki to zaroorat hi paish nahin aati ). [Updated on 23-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]

Question: Assalamualaikum mein 1 ladke ko psnd krti hu or wo rishta b bhej rha h or mene us k lye istikhara b kra jiska jwb haa aaya lekin mere parents is rishte k khilaf hein. Esi situation me mjhe kya krna chahye?"

Answer: wsalam. jub tak larki k wali (baap ya dada) ki ijaazat na ho tou nikah nahi hosakta. Rasool e akram ne farmaya: Surah yaaseen ki tilawat kiya kare is me 10 barkate hai (us me se aik ye hai k ) jin ki shadi nahe hoi hai wo shadi shuda ho jaay ghe. (Ref : Dunya Wa Akhirat ki 100 Pareshanion ka hal pg # 18). [Updated on 23-Nov-2021:: Khuda aap ko Uloom e Aal e Muhammad(s.a.w.w) sekhne ka ajar ata farmaey]